الجرح العاطفي والقيمة الذاتية

بعالم النساء وذاكرات النساء الثقيلة ،، تم نفي فكرة الاتصال بالقيمه الذاتية وكوني ضمن القواعد العامه المرأة الي بتخرج من هاي الأمور بالعمق امرأة مش سهل الي بيكون واجهته ،،

وبس يجي شخص مثلاً يوريكي أشياء موجوده جواتك أصلاً بتحسي الله عن جد أنا هيك !!! ويصير في حاله من الأمتنان العميقه الي وراكي هاي الجزئيات جواكي ،، وبتصيري داخلياً عندك ولاء لهذا الشخص الغير مناسب للارتباط به هو فقط مرسول لإلك مش أكتر من هيك !!

حاله الولاء الداخليه عند المرأة مهم الانفكاك منها من العلاقات التي انتهت لأنها ثقيلة ومضلله داخلياً ،،

مهم اكتييير بشفاء العلاقات السابقة حبيباتي ،، تشوفي هاي الجزئيات ، مافيه رجل مر بحياتك إلا وراكي اشياء جميلة موجوده جواكي بس عمل إضاءه عليها بس ،، أحنا بنعمل ولاء بعمق لمن يعزز مشاعر لطيفه بداخلنا بطريقة غير واعيه ،، الولاء يعني الانتماء والإخلاص طيب شوفي حالك هلأ لمين عامله هاذا الشيء مع شخص رحل خلص ما عاد موجود أصلا بحياتك !! وظاهريا انتي بدك عن جد ترتبطي بالرجل المناسب ،،،

أنا مسموح لي الاتصال بقيمتي الذاتيه والتعرف عليها بحب ورحمه و جمال ساحر ،،، مراح استنى صديقه أو حبيب يوريني هاي الأشياء واتعلق فيه علشان يوريني أكتر يالله شو شايف في ايشي كويس كمان طبعا بطرق مختلفه تقال من قبلك لإله ،،،

عدم اتصالك بقيمتك الذاتية حبيبتي ممكن بيخليكي تدخلي بعلاقاتك الشخص الآخر عنده نقص حاد بالمشاعر الاوليه بحياته وهذا امر جدا مجهد ،،

كوني لطيفة وحبيبه مع نفسك واتصلي بقيمة الذاتية تعرفي على مزاياكي من خلالك حبيبتي